Project Description
Tubos Reunidosek jauzi teknologiko eta lehiakorra eman du Langraiz Okan planta berri irekita
Izena: Tubos Reunidos Taldea
Kokalekua: Amurrio eta Langraiz Oka
Sektorea: Siderurgia
Langile kopurua: 1.733
Sorrera urtea: 1982
Tubos Reunidos Taldeak Euskadin eta Nafarroan lau planta ditu. Bi Araban eta horietatik soldadurarik gabeko altzairuzko hodiak fabrikatzen dituzten eta zerbitzuak ematen dituzte industria energetikoan eta industrialean aplikatzeko. Halaber, mundu osoan merkataritza presentzia eta I+G+Bren zentro propioak ditu. Produkzioaren % 83 80 herrialde baino gehiagotara esportatzen da. Herrialdeak, batez ere, Europar Batasunekoak, Ipar Amerikakoak, Ekialde Urrunekoak eta Ekialde Erdikoak dira. 2005etik konpainiak burtsan, etengabeko merkatuan, kotizatzen du.
Amurrioko plantak sektorean une gogoangarri bat izan zuen, urrats teknologiko garrantzitsua ekarri zuen berotze eta zulatze sistema berria munduan lehen aldiz jarri zuenean. Orain, berrikuntzako jardueren ondotik altzairu berriak eta tratamendu prozesu berriak garatu behar izan dituzte. Horien ondorioz, petrolioaren eta gasaren zulatzea gauzatzen den sakontasun handietan, gradu artikoetan eta beste inguru agresibo batzuetan presioa, tenperatura, korrosioa jasateko ahalmen handiagoa dute.
Azken lau urteetan 150 milioi euroko inbertsioak egin dituzte, batez ere, altzairu berriak, hodi bereziak eta teknologikoki ekoizpen prozesu aurreratuak garatzeko. Hala ere, Araban, Langraiz Okako Subillabide poligonoan kokatutako planta berriaren inaugurazioa gailentzen da, Japoniako MISIrekin egindako estrategiaren aliantzaren emaitza. MISI altzairuzko produktuak merkaturatzen eta banatzen munduko enpresa liderretako bat da.
Eraikitako 15.000 metro koadroko azalera dauka (bertan, 30 milioi euro inbertitu dira). Instalazio berriak teknologia sofistikatua dauka eta, guztiz martxan dagoenean, urtean 30.000 altzairu tona prozesatu eta hariztatu ahal izango ditu, mundu mailan salduko direnak. Horri esker, taldeak jauzi teknologiko eta lehiakorra eman ahal izango du fabrikazio prozesuetan, produktu berri bereziak eta merkatu berriak eskuratzeko.